Mi leckst am Arsch, jetz drahd er total durch, da Rosenmüller Marcus. Und sei Verleih erscht rechd: Weil, eigendlich is Beste Zeit Ja ned fürs Kino drahd worn, sondern bloß fürs Fernseng, ois erschter Teil vo ana Trilogie, quasi, zu dera wo bis 2009 no BESTE GEGEND und BESTE CHANCE dazuakemma soin. Aba: De Kuah, de muass ma melcha, solang’s a Mille gibt. Und weil der Rosenmüller Marcus mit Wer Früher Stirbt, Ist Länger Tot letzts jahr an Supererfolg ghabt hod, obwohl’s eigendlich bloß da „Brandner Kasper“ mid a bissal am Rock’n’Roll war. und weil er beim Deutschen Filmpreis ois besta Regisseur auszeichnet worn is, und weil sogoara so a Schmarrn wia Schwere Jungs de Kassn klingeln hod lossn, kimmt jetz hoid de Gschicht do aa nu auf d’Leinwand. Sackra. Aba basstscho, schlechd is nämlich ned, de Gschichd vom Erwachsenwern vo da Kati und ihrana Freindin Jo. Schauds es eich hoid o. Abs bloß, wenn’s des iatz verschtandn habts.

Mit Rosalie Tomass. Anna Mario Sturm u.a.

www.constantin-film.de