Der Schuh des Manitu :: Bulliger Blödsinn

Du, Schrotti, was is’n jetz des? Schau a mal, was der Häuptling für an geilen Fetzn anhat: des Muster und de Fransen! Kannt ma richtig gfoin, de Rothaut. Und sein weißer Bruder erst – ganz in Leder. Schick. Des miassn der Winnetou und der Old Shatterhand sei. Aba wenn’s redn, dann mit am fiesen niederbayrischen Dialekt. Oiso doch ned Karl May, sondern der Bully und sei Baggage. Saubuam! Nix is eahna heilig. Und a Erfolg wird’s a no. Da kennt’s eich jetz scho drauf freun, dass de anderen Blödeleien aus da Bullyparade a verfuimt wem. Aber etz gibt’s erst a mal den Appanatsch und sein Blutsbruder, des is a ned fad. Wer im Fernsehn drüber lacht, dem wird des ganz gwies gfoin.

Deutschland 2001, Regie: Michael „Bully‘ Herbig, mit Christian Tramitz, „Bully“ Herbig, Sky Dumont

www.schuhdesmanitu.de